თბილისის მერმა კახა კალაძემ დედაქალაქის მთავრობის სხდომაზე განაცხადა, რომ თბილისს ივლისისთვის 3D რუკა ექნება. მისი თქმით, პროექტის გასახორციელებლად მერიას გამოცხადებული ჰქონდა ინტერესთა გამოხატვა და გამარჯვებული კომპანია მუშაობას 1-ლი მარტიტან შეუდგა.
“თბილისს მალე ექნება 3D რუკა, რომლის ნახვაც, ასევე, მოქალაქეებსაც შეეძლებათ. ჩვენ გამოცხადებული გვქონდა ინტერესთა გამოხატვა ამ პროექტის განხორციელებაზე და პირველი მარტიდან დაიწყო კომპანიამ მუშაობა, რომელიც უკვე ივლისისთვის უნდა იყოს დასრულებული და ჩაბარდეს მერიას. ამ მონაცემებს თბილისის მერიის სხვადასხვა სამსახური თავის შიდა საქმიანობაში გამოიყენებს.
გუგლის რუკისგან განსხვავებით, ეს რუკა მოგვცემს შესაძლებლობას გაიზომოს სხვადასხვა პარამეტრები. მისი მონაცემები იქნება ხელმისაწვდომი მოქალაქეებისთვის ვეგბვერდზე Maps.tbilisi.gov.ge-ზე, გარდა ამისა, 516 კვადრატულ კილომეტრზე შემუშავდება კიდევ ერთი მნიშვნელოვანი პროდუქტი თბილისის ორთოფოტო გეგმა. ორივე პროექტი, დაახლოებით, მილიონი გვიჯდება. მგონია, რომ ძალიან მნიშვნელოვანია ამის განახლება, მოწესრიგება“, – განაცხადა კალაძემ.
