ქედის მერიამ, მახუნცეთში ღია საზაფხულო თეატრის მოსაწყობად ტენდერი ორჯერ გამოაცხადა და ჯამში 200 ათასი ლარი დახარჯა, მაგრამ საქმე ბოლომდე მაინც ვერ მიიყვანა და დახარჯული ფულის მიუხედავად ჯერ კიდევ არაა მოწყობილი სივრცე მაყურებლისთვის. ინფორმაციას აჭარის ტელევიზია ავრცელებს.
არადა პროექტის განხორციელების დაწყებიდან სამი წელი გავიდა. ვინ ვის და რას აბრალებს – ამას “აჭარის ტელევიზია” არკვევდა. ფაქტია, რომ ღია სივრცის დასასრულებლად დამატებითი თანხა იქნება საჭირო. ახლა კი მერიაში იმას ამბობენ, რომ ჯერ აჭარის მთავრობის ერთიან კონცეფციას ელოდებიან.
