თბილისის მერმა კახა კალაძემ დედაქალაქის მთავრობის სხდომაზე განაცხადა, რომ სამგორი-ვაზისუბნისა და ახმეტელის თეატრი-ზღვის უბნის მიმართულებით, შესაძლოა, საბაგირო ხაზები მოეწყოს. კალაძის თქმით, “სისტრას” კვლევის შედეგად გამოვლინდა, რომ თბილისის საბაგირო ხაზების განვითარებას ძალიან დიდი პოტენციალი აქვს.
“2016-2017 წლებში ფრანგული კომპანია “სისტრას” მიერ ჩატარებული იყო კვლევები და ამ კვლევების საფუძველზე გამოიკვეთა, რომ თბილისის საბაგირო ხაზების განვითარებას აქვს ძალიან დიდი პოტენციალი. ჩვენ ამ კვლევის შედეგები გვაქვს და ამის შედეგად მივიღეთ, რომ ინვესტირებისთვის მიმზიდველია სამგორი- ვაზისუბნისა და ახმეტელის თეატრი-ზღვის უბნის მარშრუტები. მინდა დაავალოთ, რომ დაიწყოთ მუშაობა, განისაზღვროს ყველაზე საინტერესო მარშრუტი, რომელი იქნება მგზავრთა გადაყვანის თვალსაზრისით და დავიწყოთ ამ პროექტზე მუშაობა, რომ დავიწყოთ მისი განხორციელება”,- განაცხადა კალაძემ.
