ბოლნისში, წერეთლისა და სიონის ქუჩების კვეთაზე, სანიაღვრე სისტემის მშენებლობა 1 თვეში დასრულდება

852

ქალაქ ბოლნისში ნოემბრის ბოლომდე აკაკი წერეთლისა და სიონის ქუჩების კვეთაზე სანიაღვრე სისტემის მშენებლობა დასრულდება. აღნიშნული პროექტი ადგილობრივი ბიუჯეტის დაფინანსებით  ხორციელდება.

“ქალაქის ცენტრალურ ქუჩაზე ამ წუთებში მძიმე ტექნიკა მუშაობს. სამუშაოებს ტენდერში გამარჯვებული კომპანია ახორციელებს. მუშა პროცესში ადგილობრივი მაცხოვრებლები არიან დასაქმებულნი”, – აცხადებენ მერიაში.

მერიის ინფორმაციით, 2018 წელს ბოლნისში ჯამში 5 ახალი სანიაღვრე ქსელი მოეწყო.

“ახალი სანიაღვრე ქსელის მშენებლობა ქალაქისთვის ერთ-ერთი აუცილებელი მოთხოვნაა. მით უფრო მაშინ, როდესაც ქალაქის დასავლეთ ნაწილში საგზაო ინფრატრუქტურა გასამართია. ვფიქრობთ, საკითხების სიღრმისეული შესწავლა და შემდგომ პროექტების სწორად დაგეგმვა, მოგვცემს საშუალებას ქალაქში ათეული წლების მანძილზე არსებული პრობლემები ეფექტურად გადავჭრათ.

აქვე მინდა გაცნობოთ, რომ ქალაქ ბოლნისის დასავლეთ ნაწილში კანალიზაციის პროექტი წლის ბოლომდე დაიწყება. საერთაშორისო ტენდერი უკვე დასრულდა და ამ ეტაპზე შემსულებელი კომპანიის შერჩევა-შეფასება მიმდინარეობს.

ბოლნისის მუნიციპალიტეტის თვითმმართველობას აქვს რამდენიმეწლიანი გეგმა, რომელიც ქალაქ ბოლნისში საბოლოოდ მოაგვარებს გზების საკითხს”, – განაცხადა ბოლნისის მუნიციპალიტეტის მერმა, დავით შერაზადიშვილმა.