“ნაციონალური მოძრაობის” ინფორმაციით, გორის მერის იმპიჩმენტის საკითხი საკრებულოში კომისიის რიგგარეშე სხდომაზე განიხილება. ინფორმაციას “რადიო მოზაიკა” ავრცელებს.
საკრებულოს წევრ ბექა ქორჩილავას განცხადებით, იმპიჩმენტის მოთხოვნა სამანდატო – საპროცედურო კომისიას დღეს გადაუგზავნეს
“ჩვენ მივმართეთ საკრებულოს თავმჯდომარეს , გორის მერის მიერ თანამდებობის პირისთვის შეუთავსებელ პოზიციაზე პარალელურად მუშაობის შესახებ და მისი მხრიდან კანონდარღვევის ფაქტთან დაკავშირებით. დღეს საკითხი დაეწერა სამანდატო – საპროცედურო და ეთიკის კომისიას. ჩვენს მიერ წამოჭრილ საკითხზე კომისიის რიგგარეშე სხდომაზე იმსჯელებენ“, – განმარტავს ბექა ქორჩილავა.
