ჯერჯერობით, არავინ საუბრობს, რას უნდა ელოდნენ ადგილობრივი თვითმმართველობები მინისტრთა ახალი კაბინეტისგან. ერთადერთი, რაც ჯერ კიდევ ყოფილი პრემიერისგან ვიცით, ისაა, რომ თვითმმართველობებისთვის დამოუკიდებლობის ხარისხის გაზრდის მიზნით, დეცენტრალიზაციის ახალი, 2018-2025 წლების სტრატეგიის დაწერა იგეგმება.
თვითმმართველობების პრობლემებსა და შესაძლებლობებზე ტელეკომპანია “პირველის” ეთერში კოალიციის – “ადგილობრივი თვითმმართველობისა და დემოკრატიისათვის” წევრმა, ირაკლი მელაშვილმა ისაუბრა.
