საბურთალოს რაიონში, სოფელ დიღომში, დიდგორისა და სარაჯიშვილის ქუჩების დამაკავშირებელი გზის სარეაბილიტაციო სამუშაოები დასრულდა.
გამგეობის ინფორმაციით, აღნიშნულ ტერიტორიაზე, 2000 კვ.მ-ზე ორი ფენა ასფალტის საფარი დაიგო.
მათივე ცნობით, გზის რეაბილიტაციისთვის გამგეობის ბიუჯეტიდან 102 210 ლარი გამოიყო.
როგორც გამგეობაში აცხადებენ, აღნიშნული საგზაო სამუშაოები მათი დაკვეთით, კომპანია „ჯეუ გრუპმა“ განახორციელა.
