“თბილსერვის ჯგუფის” ინფორმაციით, 2017 წელს მხატვრული მინათების პროექტებისათვის გამოყოფილია 1 250 000 ლარი, რომლის ფარგლებშიც მხატვრული მინათების 30-მდე პროექტი განხორციელდება.
2016 წლის განმავლობაში დედაქალაქის მასშტაბით არსებულ სხვადასხვა შენობა-ნაგებობაზე (27) მხატვრული მინათების პროექტი უკვე განხორციელდა.
“თბილსერვის ჯგუფის” დირექტორის, ლევან ჯღარკავას განცხადებით, მხატვრული მინათებების პროექტი დედაქალაქს კიდევ უფრო მიმზიდველს გახდის.
გარდა მხატვრული მინათებებისა, “თბილსერვის ჯგუფი” დედაქალაქში სტანდარტულ განათებებს LED სანათებით ჩაანაცვლებს, რითაც ელექტროენერგია 60-70%-ით დაიზოგება.
წყარო: 1tv.ge
