როგორც სიღნაღის მუნიციპალიტეტის მერიაში აცხადებენ, ღია სივრცე „ქალთა ოთახი“ ოფისისთვის საჭირო ტექნიკითა და ინვენტარით დაკომპლექტდა და დღეიდან ფუნქციონირებას ოფიციალურად შეუდგა.
უწყების ინფორმაციით, „ქალთა ოთახის“ მეშვეობით ადგილობრივი თვითმმართველობა მოსახლეობას სთავაზობს საინფორმაციო-საკონსულტაციო მომსახურებას და თავისუფალ, ღია სივრცეს დასვენებისა და სოციალური აქტივობისთვის.
“ვიზიტორებს შეუძლიათ ისარგებლონ: კომპიუტერით და ინტერნეტით; საკონსულტაციო სერვისით; საბავშვო კუთხით; სივრცით, სხვადასხვა შეხვედრების მოსაწყობად; ბიბლიოთეკით; საგანმანათლებლო სერვისით”,- ნათქვამია მერიის მიერ გავრცელებულ ინფორმაციაში.
