სურსათის ეროვნული სააგენტოს თბილისის საქალაქო სამსახური აგრარულ ბაზრებს ამოწმებს. სახელმწიფო კონტროლის ფარგლებში, შემოწმდა ვარკეთილის აგრარული ბაზრის ხორცის პავილიონში არსებული ვითარება, ხორცის ეტიკეტირება, შენახვისა და რეალიზაციის პირობები.
სეს-ის ცნობით, ამ ობიექტში დაცული იყო სურსათის უვნებლობის ძირითადი მოთხოვნები და დარღვევები არ გამოვლენილა.
მიმდინარე წელს, სეს-ის თბილისის საქალაქო სამსახურმა აგრარულ ბაზრებში 19 ობიექტი შეამოწმა , საიდანაც 2 შემთხვევაში დაფიქსირდა კრიტიკული შეუსაბამობები; ასევე გამოვლინდა ვადაგასული სურსათის განთავსების, მიკვლევადობის და ეტიკეტირების წესის დარღვევის შემთხვევები, რის გამოც ბიზნესოპერატორები დაჯარიმდნენ.
