ქალაქ ამბროლაურში ახალი, თანამედროვე სტანდარტების შესაბამისი სპორტული მოედნის მშენებლობა მიმდინარეობს.
მუნიციპალიტეტის ცნობით, პროექტის ღირებულება თითქმის 2,5 მილიონ ლარს შეადგენს.
მერიის ინფორმაციით, პროექტის ფარგლებში გაკეთდება ფიფას სტანდარტების შესაბამისი 2 მოედანი, 500 კაცზე გათვლილი ტრიბუნა, დამხმარე შენობა-ნაგებობები, კომუნიკაციები და სხვა.
უწყების ცნობით, მოედნის მშენებლობა ხელს შეუწყობს სპორტული ტურიზმის განვითარებას, ვიზიტორთა რაოდენობის გაზრდას, სამუშაო ადგილების შექმნას და ადგილობრივი მოსახლეობის სოციალურ-ეკონომიკური მდგომარეობის გაუმჯობესებას.
