ქვემო არცევში სასმელი წყლის ჭაბურღილი ქვიშისგან გაიწმინდება

629

გამყოფი ხაზის მიმდებარე სოფელ ქვემო არცევში სასმელი წყლის ჭაბურღილი გაიწმინდება. ინფორმაციას შიდა ქართლის საინფორმაციო ცენტრი ავრცელებს.

მერიის ადმინისტრაციის ცნობით, ჭაბურღილი, რომელიც 70 მ სიღრმეზეა გაკეთებული, შლამითა არის დაფარული.

პროექტის მიხედვით კი, გამოიცვლება ტუმბო და გაირეცხება ჭაბურღილი.

მერიამ სამუშაოებისთვის 4 800 ლარი გამოყო.

ჭაბურღილის რეაბილიტაციას 20 დღე დასჭირდება.