კვლევაში შეჯამებულია მოქალაქეთა დამოკიდებულება ადგილობრივი მუნიციპალოტეტებისა და ცენტრალური ხელისუფლების მიერ განხორციელებული საზოგადოებრივი მომსახურების მიმართ საქართველოს ყველა რეგიონში და წარმოდგენილია 2013 წელს ჩატარებული ანალოგიური კვლევის შედეგების შედარებითი ანალიზი. კვლევა ასევე შეიცავს რეკომენდაციებს ადგილობრივი ხელისუფლების მიმართ, რომლებიც ეფუძნება მოქალაქეთა წარმოდგენებისა და მოლოდინების შესწავლას.
კვლევა ჩატარდა 2015 წლის ნოემბერში გაეროს განვითარების პროგრამის (UNDP), სამხრეთ კავკასიაში შვეიცარიის განვითარებისა და თანამშრომლობის ოფისისა (SCO) და ავსტრიის განვითარების სააგენტოს (ADC) დაკვეთით. კვლევა ჩაატარა ქართულმა კვლევითმა ორგანიზაციამ „ეისითი“.
კვლევის მიგნებები:
- მოსახლეობის მხოლოდ 20% ჩართულია ადგილობრივ თვითმმართველობაში.
- სოფლის მოსახლეობის ნახევარს არ მიეწოდება ნარჩენების გატანის მომსახურება.
- მოსახლეობის ორ მესამედს მიუწვდება ხელი საზოგადოებრივ საბავშვო ბაღებზე.
- მაღალმთიანი დასახლებების მაცხოვრებელთა 83%-ს მიაჩნია, რომ მათი სოფლების შიდა გზები ცუდ მდგომარეობაშია.
