გორის მუნიციპალიტეტში, მდინარე ჭარებულა ყოველწლიურად ნაგვით ივსება. ამის შესახებ ინფორმაციას “შიდა ქართლის საინფორმაციო ცენტრი” ავრცელებს.
ადგილობრივმა მცხოვრებლებმა გამოცემას უთხრეს, რომ ეს ამბავი 20 წელია გრძელდება. საყოფაცხოვრებო ნარჩენებს ძირითადად მერეთი-კოშკა-არბო-გუგუტიათკარის გზაზე ყრიან.
თემის დამოუკიდებელი წარმომადგენელი საკრებულოში, მერაბ მახარაშვილი ამბობს, რომ სავარაუდოდ ეს პროცესი მიმდინარე, 2018 წელს დასრულდება. მისი თქმით, 5 თებერვალს ახალი გზის დაგების შესახებ, გორის მერია ტენდერს გამოაცხადებს. სამუშაოების წარმატებით დასრულების შემთხვევაში, გზა ნაგვისგან გაიწმინდება.
