გორის მერის მოადგილემ შვებულების დღეებში სამსახურეობრივი ავტომობილით ისარგებლა

136

გორის მერის მოადგილემ ნიკოლოზ ღვინიაშვილმა შვებულების დღეებში მერიის კუთვნილი მანქანით, ზღვისპირა ქალაქები შემოიარა. “რადიო მოზაიკას” მიაწოდეს ფოტოები, საიდანაც დგინდება, რომ მერიის კუთვნილი ავტომობილი, ქობულეთში, ერთ-ერთ ცენტრალურ გამზირზეა გაჩერებეული.

წყაროს ცნობით, ღვინიაშვილი საკურორტო ქალაქში მეგობრებთან ერთად, აგვისტოს თვეში იყო.

“ადამიანის უფლებათა ცენტრში” აცხადებენ, რომ ამ საქმეში სისხლის სამართლის ნიშნები იკვეთება და აუცილებელია ფაქტით გამოძიება დაინტერესდეს.

თავად ნიკა ღვინიაშვილი საკითხთან დაკავშირებით კომენტარს არ აკეთებს. ცნობისთვის, გორის მერიის კუთვნილ მსუბუქ ავტომობილს სანომრე ნიშნით “FS 320 SS”, ბოლო საკრებულოს სხდომაზე საწვავის ლიმიტი 500 ლიტრით განესაზღვრა.