თბილისის მერიამ საცხოვრებელი ფართები სიმბოლურ ფასად – ერთ ლარად, ჩუღურეთის რაიონში მცხოვრებ 27 ოჯახს გადასცა.
2018 წლიდან დღემდე, საცხოვრებელი ფართები 2 500-მდე ოჯახს დაუკანონდა. გარდა ამისა, როგორც მერიაში აცხადებენ, თბილისის მერიაში დაკანონების მსურველთა ასობით განაცხადია შესული, რომელთა განხილვა და ფართებით დაკმაყოფილება ეტაპობრივად მიმდინარეობს.
ჩუღურეთის რაიონში მცხოვრებ 27 ოჯახს გადავეცით საკუთრების დამადასტურებელი მოწმობები. ეს ის ოჯახებია, რომლებიც წლების განმავლობაში, სახელმწიფოს საკუთრებაში არსებულ შენობა-ნაგებობებში ცხოვრობდნენ და მათ დაკანონებას ვერ ახერხებდნენ. 2017 წელს, როდესაც ადგილობრივი თვითმმართველობის არჩევნებში პირველად ვმონაწილეობდი, ჩემი დაპირება იყო, რომ ყველა ასეთ ოჯახს გვერდში დავუდგებოდით და დავეხმარებოდით. ძალიან მიხარია, რომ წარმატებული პროგრამაა, რომელიც გრძელდება და ყველა იმ ოჯახს, ადამიანს, ვისაც ანალოგიური პრობლემა აწუხებს, მაქსიმალურად შევუწყობთ ხელს და ფართებით დავაკმაყოფილებთ. აუცილებლად უნდა მიმართოთ თქვენივე რაიონის გამგეობას, სადაც გეტყვიან, თუ რა დოკუმენტაციაა შესაგროვებელი. ასევე, დაგეხმარებიან, რომ შემდეგ ფართების დაკანონება მოხდეს და საკუთრების მოწმობები გადმოგეცეთ. ვულოცავ ამ ოჯახებს და მიხარია, რომ დღეს ამდენი ბედნიერი ადამიანი ვნახე. ყველაფერს გავაკეთებთ იმისთვის, რომ მომავალში ეს პროგრამა კიდევ უფრო წარმატებული იყოს“, – განაცხადა კახა კალაძემ.
