ა(ა)იპ გორის მუნიციპალიტეტის სკოლამდელი აღზრდის სააგენტოს დირექტორის მოადგილე სოსო ვანიშვილი თანამდებობიდან გაათავისუფლეს. ინფორმაციას რადიო მოზაიკა ავრცელებს.
ვანიშვილი აცხადებს, რომ გათავისუფლების მიზეზი სააგენტოში განხორციელებული რეორგანიზაციაა.
“რეორგანიზაცია მოხდა და ერთი მოადგილის შტატი გაუქმდა საერთოდ. სასამართლო დავას არ ვაპირებ”, – აცხადებს სოსო ვანიშვილი.
არსებული ინფორმაციით, სკოლამდელი აღზრდის სააგენტოს დირექტორს გიორგი შათირიშვილს მხოლოდ ერთი მოადგილე ჰყავს. ამ პოზიციას ვახტანგ გიუნაშვილი იკავებს, რომელიც აღნიშნულ სამსახურში 2018 წლიდან მუშაობს.
