ხელვაჩაურში გზის რეაბილიტაცია დასრულდა. ახალშენი-სამების მიმართულებით, 1300 მეტრ მონაკვეთზე, ასფალტ-ბეტონის საფარი დაიგო.
ინფრასტრუქტურული პროექტის ფარგლებში, სანიაღვრე არხები, რკინა-ბეტონის კიუვეტები და გაბიონის საყრდენი კედლები მოეწყო.
ახალშენი-სამების დამაკავშირებელი ახალი გზით, 200 ადგილობრივი ისარგებლებს. რეაბილიტირებული გზა აჭარის ფინანსთა და ეკონომიკის მინისტრმა ჯაბა ფუტკარაძემ დაათვალიერა.
მიმდინარე წელს ხელვაჩაურის მუნიციპალიტეტში საავტომობილო გზების რეაბილიტაციისა და მოვლა-შენახვისთვის 11 052 000 ლარი დაიხარჯა. სხვადასხვა მიმართულებით კი, 20 კმ-მდე ცემენტ-ბეტონის საფარი დაიგო.
