ზესტაფონში, ქალაქის ცენტრალურ ქუჩაზე არსებული შენობების რეაბილიტაცია მიმდინარეობს

128

ზესტაფონში, ქალაქის ცენტრალურ ქუჩაზე არსებული შენობების რეაბილიტაცია მიმდინარეობს.
შენობების რეაბილიტაცია საქართველოს პრემიერმინისტრის ინიციატივით დაწყებული პროგრამის “განახლებული რეგიონების” ფარგლებში ხორციელდება. ამის შესახებ რადიო ძველი ქალაქი წერს.

აღნიშნული პროექტი ქალაქის ურბანულ განახლებას ითვალისწინებს. პროგრამის ფარგლებში ცენტრალურ მაგისტრალზე არსებული მრავალსართულიანი კორპუსების ფასადები სრულიად განახლდება. ამჟამად მიმდინარეობს შენობების შეღებვა და დეკორატიული საფასადე მასალით მოპირკეთება. გარდა ფასადების რეაბილიტაციისა, პროექტი, რკინიგზისა და დავით აღმაშენებლის ქუჩის გასწვრივ არსებული კედლის მოპირკეთებას ითვალისწინებს.

“ყველა მრავალსართულიანი სახლის ფასადს უტარდება რეაბილიტაცია. ბოლო 10 წლეულების განმავლობაში მსგავსი პროექტი ზესტაფონში არ განხორციელებულა”, – ამბობს ვასილ გველესიანი, ზესტაფონის მერი.