საქართველოს პრემიერმინისტრი ირაკლი ღარიბაშვილი ადგილობრივი თვითმმართველობის არჩევნებში გამარჯვებულ მერებს ხვდება. მთავრობის მეთაურმა მორიგი შეხვედრა რაჭა-ლეჩხუმისა და ქვემო სვანეთის რეგიონის მუნიციპალიტეტების მერებთან გამართა. შეხვედრას რაჭა-ლეჩხუმისა და ქვემო სვანეთის მხარეში სახელმწიფო რწმუნებულის მოადგილე გიორგი მაქარაშვილი ესწრებოდა.
ღარიბაშვილმა მერებთან რეგიონში დაგეგმილი და განხორციელებული პროექტები მიმოიხილა და აღნიშნა, რომ ადგილობრივ ხელისუფლებას მოსახლეობის საჭიროებებზე ორიენტირებული ინიციატივების განხორციელების პროცესში ცენტრალური ხელისუფლების სრული მხარდაჭერა ექნება.
ირაკლი ღარიბაშვილმა მერებთან შეხვედრაზე მოსახლეობასთან აქტიური კომუნიკაციის მნიშვნელობას გაუსვა ხაზი და აღნიშნა, რომ ყველა პროექტი მაქსიმალურად მოკლე ვადაში და ეფექტიანად უნდა განხორციელდეს.
