თბილისის მერის, კახა კალაძის განცხადებით, სოციალურად დაუცველი პენსიონერები 2022 წლის იანვრიდან მედიკამენტებისა და სხვა საჭიროებებისთვის 500-ლარიან ვაუჩერს მიიღებენ.
„500-ლარიანი ვაუჩერების თემა ჩვენი წინასაარჩევნო დაპირება იყო, რომ მომდევნო წლიდან, ყოველგვარი პრობლემების გარეშე, იმ პენსიონერებს, ვინც სოციალურად დაუცველი არიან, საშუალება ჰქონდეთ, უკვე იანვრიდან, წლის ნებისმიერ დროს შესაბამისი ვაუჩერები მიიღონ. ეს არის სწრაფად გასაკეთებელი, რათა იანვრიდან მათ იმის საშუალება ჰქონდეთ, რომ წლის ნებისმიერ დროს, ნუ განვსაზღვრავთ თარიღებს, ერთჯერადი ვაუჩერი მიიღონ იმისთვის, რომ შეიძინონ მედიკამენტები და ასევე რაც სჭირდებათ“, – აცხადებს კალაძე.
