მელია: მერია პარტიულ დაწესებულებად არ უნდა აღიქმებოდეს, ამის დასასრულებლად ეს ისტორიული შანსი უნდა გამოვიყენოთ

“მერია არ უნდა აღიქმებოდეს თბილისელთა მიერ პარტიულ დაწესებულებად. ისტორიული შანსია, რომელიც გულისხმობს მრავალფეროვანი, კოალიციური გუნდის მიერ ერთპარტიული მმართველობის დამარცხებას. ეს შანსი გამოსაყენებელია. ნებისმიერი წავკისელი, შინდისელი, ოქროყანელი, კოჯორელი, ტაბახმელელი თუ კიკეთელი ჩათვლის, რომ დედაქალაქის მერი, მოადგილეები, გამგებლები არიან არა არტიული ინტერესების გამტარებლები, არამედ თბილისელების ინტერესების გამტარებლები.

მოვუწოდებ ყველა ახალგაზრდას და არა მხოლოდ ახალგაზრდას, რომ ჩვენს ოფისებში – ენმ-ის, “ლელოს”, “გირჩი-მეტი თავისუფლების”, “დროას” ოფისში მოვიდნენ 30-მდე და მიიღონ მონაწილეობა ისტორიულ პროცესში. ჩვენ გვჭირდება ბევრი დამკვირვებელი, ბევრი კომისიის წევრი, ბევრი წარმომადგენელი საარჩევნო უბნებზე, რათა არცერთი ხმის მოპარვის შესაძლებლობა არ მივცეთ. დანარჩენი კი საზოგადოებაზეა დამოკიდებული და ამის მზადყოფნასა და რწმენას ვხედავ. ისტორიული რაოდენობა თბილისელებისა გამოცხადდება 30 ოქტომბრის არჩევნებზე და დავამარცხებთ უძრაობას და ოლიგარქიულ მმართველობას”, – განაცხადა ნიკა მელიამ “პირველებთან”.