რა მარშრუტებზე იმოძრავებს ახალი ავტობუსები და მიკროავტობუსები

347

თბილისის მერის, კახა კალაძის განცხადებით, 23 ოქტომბრიდან თბილისში 54 ახალი მიკროავტობუსი და 88 ავტობუსი მოემსახურება. მისი თქმით, ხაზზე 38 ISUZU მარკის 8-მეტრიანი ავტობუსი იმოძრავებს.

მერიის ინფორმაციით, ავტობუსებისა და მიკროავტობუსები შემდეგ მარშრუტებზე იმოძრავებენ:

  • #319 ვარკეთილიდან ვაზისუბნის დასახლების გავლით, მახათას მთის, ხუდადოვის ქუჩისა და სადგურის მოედნის მიმართულებით, უკუმიმართულებით კი, მარშრუტი სადგურის მოედნიდან მეტროსადგურ ვარკეთილამდე იმოძრავებს;
  • #415 გადაადგილდება ევხიტი ჟვანიას 25-ის მიმდებარე ტერიტორიიდან, ქიზიყის, ე. ბაღდავაძის, კახეთის გზატკეცილისა და ჯავახეთის ქუჩების გავლით, მეტროსადგურ ვარკეთილისკენ;
  • #430 მოემსახურება სოფელ დიღომში, ვაჟა-ფშაველას, კვირაცხოვლის, ასევე, მოციქულთა სწორი ნინოს, გ. ბრწყინვალესა და პ. სარაჯიშვილის ქუჩების მცხოვრებლებს;
  • #434 მოემსახურება ნიაბის პირველი შესახვევის, საინგილოს ქუჩის მოსახლეობას და დაუკავშირდება მეტროსადგურ ავლაბარს;
  • #438 მიკროავტობუსი სადგურ ველს აფრიკის დასახლებასთან დააკავშირებს;
  • მიკროავტობუსი #449 წრიულად, ი. ჭავჭავაძის გამზირის N83-დან ვაკის პარკამდე იმოძრავებს.
  • #450 მიკროავტობუსი ი. მაჩაბლის, ი. უჩანეიშვილის, წყნეთის გზატკეცილის, მ. თამარაშვილის, მ. დოლიძის ქუჩებისა და ი. ჭავჭავაძის გამზირის გავლით, ვაკის პარკამდე გადაადგილდება;
  • #481 მიკროავტობუსი იმოძრავებს კიკეთიდან წყნეთის მიმართულებით, მაია წყნეთელის ძეგლამდე და გაივლის 9 ძმა ხერხეულიძის, ექვთიმე თაყაიშვილის ქუჩებს, ასევე, ვალიკო ჯუღელის გზატკეცილს და დაუკავშირდება შოთა რუსთაველის ქუჩას;
  • #484 მიკროავტობუსი იმოძრავებს წყნეთში, არსენას და დ. ამილახვრის ქუჩებზე მაია წყნეთელის ძეგლის გავლით;
  • #485 მიკროავტობუსი იმოძრავებს წყნეთში, დ. აღმაშენებლის, დ. ამილახვრისა და საირმის ქუჩებზე;
  • #487-ის მარშრუტი წრიული იქნება და იმოძრავებს წყნეთში, ი. გრიშაშვილის, დ. აღმაშენებლის, მ. კოსტავას, მ. ჯავახიშვილის, ქ. წამებულის I შესახვევის და ქ. ჩოლოყაშვილის ქუჩების გავლით;
  • მიკროავტობუსი #478 მოემსახურება გუჯარეთის I ქუჩის მცხოვრებლებს და მელაანის I შესახვევის გავლით, ჯორჯ ბუშის ქუჩას დაუკავშირდება;
  • #330 ავტობუსი სადგურ ველის ტერიტორიიდან ბ. ჭიჭინაძის, გუმათჰესის, ლ. რაზიკაშვილის და გ. ლორთქიფანიძის ქუჩებზე გადაადგილდება და მოძრაობას მეტროსადგურ ისანთან დაასრულებს. უკუმიმართულებით, ავტობუსი იმორავებს მეტროსადგურ ისნიდან ცაცა ამირეჯიბის ქუჩისა და ამავე ქუჩის III შესახვევის გადაკვეთამდე.

გარდა ამისა, მერიის ინფორმაციით, N32 მარშრუტზე მოძრავი MAN-ის მარკის ოთხი ავტობუსი ჩანაცვლდება BMC-ის მარკის ხუთი ავტობუსით, #54 მარშრუტს დაემატება სამი, ხოლო #15 მარშრუტს დაემატება MAN-ის მარკის ერთი ავტობუსი.

კალაძის თქმითვე, მერია მომავალი წელს 18-მეტრიანი ავტობუსების შეძენას გეგმავს. როგორც ის აღნიშნავს, დედაქალაქს ამ ტიპის 200 ავტობუსი სჭირდება.