გორის მუნიციპალიტეტის სკოლებში მასწავლებელთა 4 ვაკანსიაა გამოცხადებული. ინფორმაციას რადიო მოზაიკა ავრცელებს.
გორის N7 სკოლაში ბიოლოგიის მასწავლებლის ადგილია ვაკანტური, N12 სკოლაში კი, სპეციალური საგანმანათლებლო საჭიროების მქონე პირის ასისტენტის პოზიციაა ვაკანტური.
გარდა ამისა, 2 ვაკანსიაა გორის მუნიციპალიტეტის სოფელ ფლავის საჯარო სკოლაში – მუსიკის და სახვითი ხელოვნების პედაგოგის ადგილია ვაკანტური.
როგორც ცნობილია, მასწავლებლობის/მაძიებლობის მსურველი განაცხადს აგზავნის ელექტრონულად www.pedagogi.ge (teacherjobs.ge) მასწავლებლობის მსურველად დარეგისტრირების გზით.
