გორში, საკრებულოს რიგგარეშე სხდომა ჟურნალისტების მდუმარე აქციის ფონზე დაიწყო. ამის შესახებ რადიო მოზაიკა წერს.
მედიის წარმომადგენლებმა ამ ფორმით კიდევ ერთხელ მოითხოვეს იმ პირების დასჯა, რომლებიც 5 ივლისს, თბილისში ჟურნალისტებზე ძალადობდნენ.
გორში მომუშავე რეპორტიორები საკრებულოში ლექსო ლაშქარავას ფოტოებით მივიდნენ და ადგილობრივ ხელისუფლებას შეახსენეს, რომ ჩადენილ დანაშაულებებს საჭირო სამართლებრივი რეაგირება არ მოჰყოლია.
