გლდანის რაიონის გამგეობის ინფრასტრუქტურული პროექტების ფარგლებში, ჯანსაღი ცხოვრების ხელშეწყობის მიზნით, ფიტნეს ზონის მოწყობის სამუშაოები ექვს მისამართზე მიმდინარეობს.
გამგეობის ინფორმაციით, სამუშაოების შედეგად, სხვადასხვა დატვირთვის რვა სავარჯიშო ტრენაჟორი შემდეგ მისამართებზე განთავსდება:
- ზაჰესი ცქიტიშვილის ქუჩა N 35 კორპუსთან;
- გლდანის ხევის N2 ა კორპუსის მიმდებარედ;
- მეექვსე მიკრორიონის N2 კორპუსთან;
- მეშვიდე მიკრორაიონის N2 კორპუსის მიმდებარე;
- მეორე მიკრორაიონის N25 კორპუსთან;
- მუხიანის 4ა მიკრორაიონის N5-6-7 კორპუსების მიმდებარედ;
“მიმდინარე წელს ფიტნეს ზონები ჯამში, 12 მისამართზე მოეწყობა, რისთვისაც გლდანის რაიონის გამგეობის ბიუჯეტიდან 339 787 ლარი დაიხარჯება”, – განმარტავენ გამგეობაში.
