ოპოზიციის მორიგი ბრალდება „ქართულ ოცნებას“. „ნაციონალურ მოძრაობაში“ გამართულ ბრიფინგზე განაცხადეს, რომ აჭარის მთავრობა სახელმწიფო მიწის ნაკვეთებს მასობრივად ჰყიდის. ინფორმაციას ტვ25 ავრცელებს.
რეზო ხარაზის განმარტებით, რეგიონში, 20 სხვადასხვა არასასოფლო-სამეურნეო დანიშნულების ტერიტორიაზე აუქციონია გამოცხადებული. მისივე მტკიცებით, მიწების საწყისი ფასი, ძალიან დაბალია, ხოლო აუქციონის პირობები არარეალური.
ხელისუფლების ოპონენტი, ამ გარემოებას 2 მიზეზით ხსნის: პირველი, მთავრობა ცდილობს წინასაარჩევნოდ გაზრდილი აჭარის ბიუჯეტი შეავსოს და მეორე – კორუფციული ნიშნები. ხარაზის თქმით, აუქციონები მმართველ გუნდთან აფილირებული ბიზნესმენების ინტერესებზეა მორგებული.
