ხელვაჩაურიის მუნიციპალიტეტში, სოფელ ჯოჭოში ინფრასტრუქტურული სამუშაოები აქტიურად მიმდინარეობს.
აჭარის მთავრობის თავმჯდომარის, თორნიკე რიჟვაძის თქმით, ჯოჭოში მოეწყობა ინფრასტრუქტურა, რომელიც გაამაგრებს და შეაჩერებს მეწყრულ პროცესს.
„ჯოჭოში ჩვენ დავიწყეთ საკმაოდ მასშტაბური სარეაბილიტაციო სამუშაოები. მოგეხსენებათ, რომ გასულ წელს აქ განვითარდა მეწყერი, დავკარგეთ ადამიანები, ეს იყო ერთ-ერთი უმძიმესი შემთხვევა.
აქ მოეწყობა ინფრასტრუქტურა, რომელიც გაამაგრებს და შეაჩერებს მეწყრულ პროცესს და დარწმუნებული ვარ, რომ აქ მაცხოვრებლები მშვიდად გააგრძელებენ ცხოვრებას”,- განაცხადა აჭარის მთავრობის თავმჯდომარემ.
პროექტის ფარგლებში მიმდინარეობს საავტომობილო გზის, ხელოვნური ნაგებობების, სანიაღვრე სისტემის, საყრდენი კედლების მოწყობა, რაც მოსახლეობის უსაფრთხო გადაადგილებას უზრუნველყოფს.
სამუშაოები მიმდინარე წლის აგვისტოში დასრულდება.
