გორის მუნიციპალიტეტის ქვახვრელში ახალი ასფალტი რკინიგზის სადგურიდან სასაფლაომდე დაიგება. ამისათვის გორის მერიამ 350 000 ლარი გამოყო. ამის შესახებ შიდა ქართლის საინფორმაციო ცენტრი წერს.
პროექტის მიხედვით, სამუშაოები 3 თვე გაგრძელდება. გამარჯვებული კომპანია მაისის ბოლოს გამოვლინდება.
მოასფალტდება დაახლოებით 880 მ სიგრძის გზა.
აღნიშნული მონაკვეთი უერთდება უფლისციხის მუზეუმის შემოვლით გზას, რომელიც ერთაწმინდა-ქვათახევის ტურისტულ მარშრუტს წარმოადგენს. უფლისციხე-გორის გზა კი სრულად მოასფალტებულია.
უფლისციხე-ქვათახევი-ერთაწმინდას მარშრუტზე მოსაწესრიგებელი დარჩება ზედაველას გზა, რასაც ადგილობრივები ,,რვაასმეტრიანს” უწოდებენ.
