გორში, ტროტუარებზე ფილები 7 ადგილას გამოიცვლება

77

გორის მუნიციპალიტეტის მერიამ ტროტუარებზე ფილების გამოცვლა ცენტრალური გამზირიდან დაიწყო. სამუშაოებისთვის 837 000 ლარია გათვალისწინებული. ამის შესახებ რადიო მოზაიკა წერს.

სამუშაოები განხორციელდება შემდეგ მონაკვეთებზე:

სტალინის გამზირზე დასავლეთით – ამილახვრის ქუჩიდან რუსთაველის ქუჩამდე მონაკვეთზე, ხოლო აღმოსავლეთით ჭავჭავაძის გამზირიდან კოსტავას ქუჩამდე მონაკვეთზე;

ჭავჭავაძის გამზირზე ჩრდილოეთით – გელდიაშვილის ქუჩიდან წერეთლის ქუჩამდე მონაკვეთზე, ხოლო სამხრეთით – სტალინის გამზირიდან რუსთაველის ქუჩამდე მონაკვეთზე.

პროექტის მიხედვით, მოეწყობა ბეტონის ფილები, ბაზალტის ბორდიურები, გარკვეულ მონაკვეთებზე საჭიროების გათვალისწინებით მოაჯირები.

ტროტუარების სარეაბილიტაციო მონაკვეთების საერთო ფართობი 8184,75 მ2. სამუშაოები 4 თვეში უნდა დასრულდეს.