სახელმწიფო პროგრამის – „100 საინვესტიციო პროექტის“ ფარგლებში, ეკონომიკის სამინისტროს აღმოსავლეთი-დასავლეთის ახალ ავტობანზე ე.წ. გასაჩერებელი ადგილების მოსაწყობად საპრივატიზაციოდ 106 080 კვ.მ. მიწა გამოაქვს.
აღნიშნულის შესახებ ეკონომიკის მინისტრმა პროგრამის პრეზენტაციაზე განაცხადა.
„ძალიან საინტერესო პროგრამას ვაკეთებთ ინფრასტრუქტურის სამინისტროსთან ერთად. მიმდინარეობს აღმოსავლეთ-დასავლეთ ჩქაროსნული მაგისტრალის მშენებლობა და გვსურს, განვავითაროთ მიმდებარე ინფრასტრუქტურა. დღეს ერთი ასეთი შემოთავაზება გვაქვს – ავტობანზე ე.წ. გასაჩერებელი ადგილების მოწყობა, სადაც თავისი საინვესტიციო პირობებით მთელი კომპლექსი გაშენდება, შემდეგ თქვენთვის სხვა ანალოგიურ პროექტებს გამოვიტანთ“, – მიმართა მინისტრმა კერძო სექტორს.
