სამგორის რაიონის გამგეობა, ბინათმესაკუთრეთა ამხანაგობების განვითარების ხელშეწყობის პროგრამის შესაბამისად, სხვადასხვა მისამართზე პროეტებს ახორციელებს.
გამგეობის ინფორმაციით, ბინათმესაკუთრეთა ამხანაგობების განცხადებების საფუძველზე, საცხოვრებელი კორპუსების სართულშუა ნაპრალების რეაბილიტაცია 5 მისამართზე მიმდინარეობს, ხოლო ერთ მისამართზე უკვე დასრულდა. პროექტების შესასრულებლად სამგორის გამგეობის ბიუჯეტიდან 89 415 ლარი გამოიყო.
სამგორის რაიონის გამგეობის მიერ სართულშუა ნაპრალების რეაბილიტაციის პროეტები შემდეგ მისამართებზე დაფინანსდა: ვარკეთილის მე-4 მიკრორაიონი, კორპუსი N403; ვარკეთილის მე-3ა მიკრორაიონი, კორპუსი N332; ვარკეთილის მე-4 მიკრორაიონი, მეორე რიგი, კორპუსი N411; ჭიჭინაძის ქ. N31; ვარკეთილის ზემო პლატო, კორპუსი N18; ვარკეთილის ზემო პლატო, კორპუსი N46.
