უწყებათშორისი საკოორდინაციო საბჭოს გადაწყვეტილებით, ეკონომიკის ეტაპობრივი გახსნის ფარგლებში რამდენიმე შეზღუდვა მოისხნა. ამის შესახებ საბჭოს სხდომის დასრულების შემდეგ მთავრობის ადმინისტრაციის ხელმძღვანელმა ილია დარჩიაშვილმა ისაუბრა.
საბჭოს გადაწყვეტილებით:
- ხვალიდან, 19 მარტიდან ნებადართულია ცოცხალი მუსიკა საკვებ ობიექტებში.
- 1 აპრილიდან რეგულაციების დაცვით განახლდება საბავშო-გასართობი ცენტრების ფუნქციონირება;
- 1 აპრილიდან გაიხსნება კინო-თეატრები;
- 28 მარტს, საქართველო-ესპანეთის მატჩზე მაყურებლების 30%-ს შეეძლება დასწრება;
- ძიუდოს გრანდ-სლემზე მაყურებელი დაიშვება 30%-ით;
ამ ეტაპზე კვლავ ძალაში რჩება ღამით გადაადგილების შეზღუდვა, რადგან ეს არის ერთ-ერთი ყველაზე ქმედითი ბერკეტი მობილობის შესამცირებლად. საბჭო აკვირდება ვითარებას და შემდგომ გადაწყვეტილებებს მიიღებს არსებული ეპიდემიოლოგიური სურათის ანალიზის საფუძველზე.
