დღეიდან ბათუმში მოძრავი ავტობუსები სხვა მარშრუტით ივლიან. ინფორმაციას TV25 ავრცელებს.
ცვლილება N8, N11 და N42 ხაზზე მოძრავ ავტობუსებს ეხება. კერძოდ, 8 ნომერი მუნიციპალური ავტობუსი ლეონიძის, შარტავას, ბაგრატიონისა და ჯავახიშვილის ქუჩების გავლით იმოძრავებს. N11 – ბაგრატიონის, შარტავას, ორბელიანისა და ლერმონტოვის ქუჩების, N42 ხაზზე მოძრავი მიკროავტობუსი კი ორბელიანის, შარტავას, ბაგრატიონისა და ჯავახიშვილის ქუჩების გავლით იმოძრავებს.
სატრანსპორტო მოძრაობა შეიზღუდება ჯავახიშვილის ქუჩაზეც. შეზუდვა შეეხება, ასევე, ბაგრატიონისა და სულხან-საბა ორბელიანის ქუჩებს შორის არსებულ მონაკვეთს.
მიზეზი ჯავახიშვილის ქუჩის ბოლო მონაკვეთში მიმდინარე სარეაბილიტაციო სამუშაოებია, რომელიც დეკემბრის ბოლომდე გაგრძელდება.
