რა ხდება ავტობუსების ტენდერში – მერიას სატენდერო პირობების მორგებაში ადანაშაულებენ

წინა სტატია

ჩინური კომპანიის “ჰაიგერის“ იურისტს თბილისის მერიის მიერ გამოცხადებულ ტენდერზე შეკითხვები აქვს. ბადრი ნიაური ფიქრობს, რომ 220 ახალ ავტობუსის შესყიდვაზე გამოცხადებული ტენდერი, კონკრეტულ კომპანიაზეა მორგებული. ინფორმაციას BM.GE ავრცელებს.

მისი თქმით, დედაქალაქის მთავრობამ სატენდერო დოკუმენტაციაში ჩაწერა კონკრეტული მოთხოვნები, რომელთა დაზუსტების შედეგად სახელმწიფო შესყიდვა მოერგო კონკრეტულ კომპანიებსა და ავტობუსებს.

“სიმართლე არის ერთი, რომ პირობები არის მორგებული კონკრეტულ ავტობუსებზე. კონკრეტული დაზუსტებული პარამეტრები სატენდერო დოკუმენტაციაში არის – ავტობუსების გარბენი და ზომები. მთავრობამ გადაწყვიტა, რომ მან განსაზღვროს, რა ტიპის სავარძელი იყოს, რა მოცულობის კარი უნდა იყოს. ჩვენ არ გვაქვს საუბარი სტანდარტულად აღიარებულ ავტობუსებზე. სხვა საკითხია კიდევ ის, რომ ვყიდულობთ, გაზზე მომუშავე ავტობუსებს, რომლებიც არის მოსიარულე ნაღმები“,- აცხადებს იურისტი.

იურისტი იმასაც აღნიშნავს, რომ ეს არ არის ერთადერთი საეჭვო ფაქტი.

მისი ვარაუდით, კომპანიები სახელმწიფო შესყიდვებში უკვე დიდი ხნის აპრობირებული სქემით მოქმედებენ. ბადრი ნიაურის თქმით, ტენდერში დისკვალიფიცირებულმა კომპანია “გრავიტამ“, რომელიც მისი თქმით, “თეგეტა მოტორსთან“ არის დაკავშირებული, სპეციალურად არ დააზუსტა დოკუმენტაცია, რათა თავისი ადგილი, უფრო ძვირი შეთავაზებით სამომავლოდ “თეგეტას“ დაუთმოს. იურისტის განმარტებით, ეს იმ შემთხვევაში მოხდება თუ სახელმწიფო შესყიდვიდან მეორე პრეტენდენტის “ჯითი ჯგუფის“ დისკვალიფიკაციაც მოხდება.

ბადრი ნიაური დარწმუნებულია, რომ ასეთ შემთხვევაში ტენდერში “თეგეტა მოტორსი“ გამოჩნდება, რომელიც ტენდერის სპეციფიკიდან გამომდინარე პრეტენდენტებში ჯერ არ ჩანს.

“თეგეტა” არის კომპანია, რომელმაც ამ დრომდე მერიის მიერ გამოცხადებული ტენდერი 90 ავტობუის შემოყვანასთან დაკავშირებით უკვე მოიგო. კომპანიაში აღნიშნულ ბრალდებელზე კომენტარს ჯერ არ აკეთებენ.

გამოცემა ” BM.GE -სთან” საუბარში, თბილისის ვიცემერი ირაკლი ხმალაძე ტენდერებში კომპანიების შეთანხმებულ მოქმედებებს გამორიცხავს.

“შეთანხმებულ მოქმედებებს გამოვრიცხავ მეც და მთლიანად ეს სისტემა გამორიცხავს, რადგან იმდენად კარგად აწყობილი და გამართულია პროცესები, რომ გამორიცხულია შეთანხმებული მოქმედებები“,- აცხადებს ირაკლი ხმალაძე.

შეგახსენებთ, რომ თბილისის მერიაში შემავალმა “თბილისის სატრანსპორტო კომპანიამ” 220 პატარა, რვამეტრიანი ავტობუსის შესასყიდად ტენდერი გამოაცხადა. ტენდერის ღირებულება 79 მილიონ ნახევარი ლარია. ეს ნიშნავს, რომ თითო ავტობუსის ღირებულება საშუალოდ 361 ათასი ლარია. გამარჯვებულმა კომპანიამ მერიას ავტობუსები ხელშეკრულების გაფორმებიდან რვა თვის ვადაში ეტაპობრივად უნდა მიაწოდოს. ტენდერში წინადადებების მიღება 15 ნოემბერს დასრულდა. შესყიდვა აუქციონის გარეშე მიმდინარეობს, რაც იმას ნიშნავს, რომ ყველა პრეტენდენტის შეთავაზების ნახვა შეუძლებელია. თუმცა, რაც ზედაპირზე ჩანს არის ის, რომ კომპანია „გრავიტა“, რომელსაც ყველაზე დაბალი ფასი ჰქონდა, ტენდერიდან დისკვალიფიცირებულია. მისი შეთავაზება 220 ავტობუსის 79 მილიონის ნაცვლად 63 მილიონი ლარად შემოყვანა იყო. კომპანიის დისკვალიფიკაციის შემდეგ ტენდერში იმარჯვებს კომპანია “ჯითი გრუპი“. მისი შეთავაზება 64,7 მილიონი ლარია.

“დისკვალიფიკაცია მოხდა, მაგრამ ეს სატენდერო დოკუმენტაციის და პროცედურის ბრალი არ არის. ეს არის კომპანია, რომელმაც წარმოადგინა საკუთარი შეთავაზება და თვლიდა, რომ აკმაყოფილებდა პარამეტრებს და ვერ დააკმაყოფილა. ამისთვის არის სატენდერო კომისია, რომელიც ადგენს შესაბამისობას კონკრეტული პრეტენდენტის და შესაბამისი გადაწყვეტილება მიიღება. იყო შემდეგი პრეტენდენტი, რომლის წინადადების განხილვაც ახლა ხდება“,- აცხადებს ირაკლი ხმალაძე.

მსგავსი სიახლეები
ქუთაისის მერია ყოფილი მუზეუმის შენობაზე 7 000 ლარიანი ბანერის განსათავსებლად ტენდერს აცხადებს. ინფორმაციას ამის შესახებ
წინა სტატია თბილისის მერმა კახა კალაძემ დედაქალაქის მთავრობის სხდომაზე განაცხადა, რომ სამგორი-ლილოსა და სამგორი-რუსთავის მიწისზედა
საქართველოს მუნიციპალური განვითარების ფონდიზუგდიდის მუნიციპალიტეტის ჭითაწყარის ადმინისტრაციულ ერთეულში, კომპანიონ ცხოველთა რეგიონული თავშესაფრის მშენებლობისათვის, ელექტრონულ ტენდერს
როგორც თბილისის მერიის ეკონომიკური განვითარების საქალაქო სამსახურის ხელმძღვანელმა ანდრია ბასილაიამ განაცხადა, ღამის ეკონომიკის სტრატეგიის შემუშავების
საქართველოს რეგიონული განვითარებისა და ინფრასტრუქტურის სამინისტროს  მუნიციპალური განვითარების ფონდმა გუდაურში, კობსა და ბაკურიანში ავტოსადგომების პროექტირებასა
ონის მუნიციპალიტეტის სოფელ ხირხონისში, ლაგვანთაში, ღარსა და ნიგვზნარაში ახალი ამბულატორიები აშენდება. ახალი ამბულატორიების მშენებლობაზე 210
წინა სტატია თბილისის მერია ავტობუსის ფერის შესარჩევად ფეისბუქზე გამოკითხვას ატარებს. მერია მოქალაქეებს ავტობუსის 2 ფერს
რეგიონებში განსახორციელებელი პროექტების  ფონდიდან დაფინანსებულ  210  პროექტზე ამ დროისთვის სხვადასხვა სახის სამუშაო მიმდინარეობს. საერთო ჯამში
მწვანე ტბის მიმდებარე ტერიტორიის კეთილმოწყობა იგეგმება. ინფორმაციას TV25 ავრცელებს. აჭარის ფინასნთა და ეკონომიის სამინისტროს ინფრომაციით,
ახალციხის მერიამ ქალაქში მდებარე ხელოვნურ ტბაზე არსებული ნავმისადგომის რეაბილიტაციასა და ნავებისთვის ახალი ბაქანის მოწყობაზე 22
ქვეშის საბავშვო ბაღს USAID-ის პროექტმა "ზრდა“ რეაბილიტაციის პროექტი გადასცა. "პროექტი საბავშვო ბაღის შენობის სარეაბილიტაციო ნაწილის
ქუთაისის მერია ნაგვის კონტეინერების შეძენისთვის 70 000 ლარს დახარჯავს. შესაბამისი ელექტრონული ტენდერი მერიამ  უკვე  გამოაცხადა. წინადადებების
წინა სტატია ქუთაისში, რიონისპირა სახლების პროექტის ფარგლებში, 41 სახლს რეაბილიტაცია ჩაუტარდება. პროექტი ტურისტულად მიმზიდველი გარემოს
ზღვისპირა სოფელი, სადაც მოსახლეობა მოუწესრიგებელ გზაზე გადაადგილდება. ციხისძირში მცხოვრებლები ინფრასტრუქტუის კეთილმოწყობას წლებია ითხოვენ. რატომ არ
წინა სტატია სტატიის გაგრძელება თბილისის მერმა კახა კალაძემ დედაქალაქის მთავრობის სხდომაზე განაცხადა, რომ ავტობუსების შესაძენად
%d bloggers like this: