ზუგდიდის ყოფილი მერი და ვიცემერი დიდი ოდენობით ქრთამის აღებისთვის დააკავეს

წინა სტატია

შემდეგი სტატია

სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად ჯგუფურად, განსაკუთრებით დიდი ოდენობით ქრთამის აღების ფაქტზე,  სასამართლოს განჩინების საფუძველზე, ზუგდიდის მუნიციპალიტეტის ყოფილი მერი ლაშა გოგია და ყოფილი ვიცემერი გია გულორდავა დააკავეს. ამის შესახებ სუს-ში გამართულ ბრიფინგზე გახდა ცნობილი.

“გამოძიებამ დაადგინა, რომ 2018 წლის პირველ ნახევარში, ლაშა გოგიამ და გია გულორდავამ, რომლებიც იმ პერიოდში ზუგდიდის მუნიციპალიტეტის მერის და ვიცემერის თანამდებობებს იკავებდნენ, ქალაქ ზუგდიდში მდებარე გულუას ბაღის  და რკინიგზის სადგურის მიმდებარე ტერიტორიების იჯარით გასაცემ აუქციონზე გატანის სანაცვლოდ, მოქალაქეს ქრთამის სახით მოსთხოვეს და გამოართვეს განსაკუთრებით დიდი ოდენობით თანხა – 21 500  აშშ დოლარი. შეთანხმების მიხედვით, 11 500 აშშ დოლარი  განკუთვნილი იყო გულუას ბაღის იჯარით გადაცემისთვის, ხოლო 10 000 აშშ დოლარი – რკინიგზის სადგურის მიმდებარე ტერიტორიის იჯარით გადაცემისთვის. 2018 წლის  მაისში იმავე მოქალაქემ 10 000 აშშ დოლარი პირადად გადასცა გია გულორდავას, ხოლო 11 500 აშშ დოლარი მათთვის გადასაცემად 2018 წლის 7 ივნისს ჩარიცხა გია გულორდავას მიერ მითითებული პიროვნების, ხ.ბ-ს სახელზე, საბანკო გზავნილის სახით, რასაც საბოლოოდ დაეუფლნენ გია გულორდავა და ლაშა გოგია.

გამოძიება წინასწარი შეთანხმებით, ჯგუფის მიერ, განსაკუთრებით დიდი ოდენობით ქრთამის აღების ფაქტზე მიმდინარეობს (საქართველოს სსკ-ის 338-ე მუხლის მე-2 ნაწილის ,,გ“ ქვეპუნქტით და მე-3 ნაწილის „ე“ ქვეპუნქტით, რაც სასჯელის სახით ითვალისწინებს თავისუფლების აღკვეთას  11-დან 15 წლამდე ვადით)”, – ნათქვამია სუს-ის მიერ გავრცელებულ ინფორმაციაში.

გამოძიებას სახელმწიფო უსაფრთხოების სამსახურის ანტიკორუფციული სააგენტო აწარმოებს.

ლაშა გოგიამ და გია გულორდავამ თანამდებობები 12 სექტემბერს დატოვეს. აღსანიშნავია, რომ ყოფილი მერი ლაშა გოგია საპრეზიდენტო არჩევნების დროს “ქართული ოცნების” მიერ მხარდაჭერილი დამოუკიდებელი კანდიდატის, სალომე ზურაბიშვილის შტაბის უფროსი იყო.

მსგავსი სიახლეები
წინა სტატია ზუგდიდის მერთან ლაშა გოგიასთან და ვიცემერთან გია გულორდავასთან ერთად დაკავებულ ორ პირს სასამართლომ
საბურთალოს გამგეობის სამხედრო განყოფილების უფროსი დააკავეს. გამოძიების ინფორმაციით, გიორგი ქიმერიძე სავალდებულო სამსახურში გამოძახების გადავადებას მოქალაქეს
წინა სტატია სტატიის გაგრძელება სირცხვილია "ქართული ოცნებიდან“ ლაშა გოგიას თანაგუნდელები, დღეს რომ ხმას არ იღებენ.
წინა სტატია გუშინ თბილისის საქალაქო სასამართლოში ზუგდიდის მერიის ყოფილი მაღალჩინოსნების, ყოფილი მერის ლაშა გოგიასა და ვიცემერის
წყალტუბოს საკრებულოს თავმჯდომარის მოვალეობას დროებით გრიგოლ ივანეიშვილის მოადგილე პაატა ახალაძე შეასრულებს. შეგახსენებთ, რომ წყალტუბოს საკრებულოს
წინა სტატია "ბრალდებული გრიგოლ ივანეიშვილი ცდილობდა შეენიღბა ქრთამის აღება, თითქოს, ეს იყო სესხის ხელშეკრულება. რეალურად,
წინა სტატია განსაკუთრებით დიდი ოდენობით ქრთამის აღებასა და ქრთამის აღების დახმარებაზე დაკავებული მაღალჩინოსნებს - წყალტუბოს
წინა სტატია "წარმოდგენილი მტკიცებულებები ადასტურებს, რომ ჩარიცხული 250 000 ლარი გრიგოლ ივანეიშვილმა სესხად აიღო. არსებობს
წინა სტატია "სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, განსაკუთრებით
წინა სტატია სუსის თანამშრომლებმა წყალტუბოს საკრებულოს თავმჯდომარე გრიგოლ ივანეიშვილი დიდი ოდენობით ქრთამის აღებისთვის  საკრებულოს სხდომაზე
წინა სტატია სამეგრელო-ზემო სვანეთის ყოფილ გუბერნატორ ლევან შონიას აღკვეთის ღონისძიების სახით სასამართლომ 5 000 ლარის
სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, მოხელეების მიერ ჯგუფურად, განსაკუთრებით დიდი ოდენობით ქრთამის აღების ფაქტზე,
ზუგდიდის მერიის ეკონომიკისა და ინფრასტრუქტურის სამსახურის ხელმძღვანელი თენგიზ ქობალია დააკავეს. სახელმწიფო უსაფრთხოების სამსახურის ინფორმაციით, ანტიკორუფციული
ფინანსთა სამინისტროს საგამოძიებო სამსახურის ცნობით, მცხეთის მუნიციპალიტეტის მერის წარმომადგენელი ქრთამის აღების ფაქტზე დააკავეს. "გამოძიებით დადგინდა,
წინა სტატია დიდი ოდენობით ქრთამის აღებაში ბრალდებული ზუგდიდის ყოფილი მერი ლაშა გოგია ბრალს არ აღიარებს. დაცვის მხარემ თბილისის
%d bloggers like this: