2018 წლის აგვისტოდან, ამბროლაურის მუნიციპალიტეტში, მგზავრთა გადაადგილებას ახალი ავტობუსები უზრუნველყოფს.
ამბროლაურის მუნიციპალიტეტის მერიამ, ელექტრონული ტენდერის საფუძველზე, სრულიად ახალი 3 ავტობუსი შეიძინა, რომლებიც მუნიციპალიტეტს მამ წლის 20 ივლისამდე გადმოეცემა. თითოეული სატრანსპორტო საშუალება 36 მგზავრზე იქნება გათვლილი.
მერიის ცნობით, ავტობუსების მონიტორინგს შპს ,,ახალი ტრანსპორტი“ განახორციელებს, რომლის ავტოპარკში ამ ეტაპისთვის 7 ავტოსატრანსპორტო საშუალება ირიცხება.
“საზოგადოებრივი ტრანსპორტი ყველა სოფელში, ადგილობრივი მოსახლეობის მიერ დადგენილი გრაფიკის შესაბამისად მოძრაობს. ახალი ავტობუსები კი მგზავრებს დამატებით საშუალებას მისცემს, მინიმალურ ფასად, კომფორტულად გადაადგილდნენ მათთვის სასურველი მიმართულებით”, – ნათქვამია მერიის მიერ გავრცელებულ ინფორმაციაში.
