FactCheck: მთავრობის დაპირება, რომ 2020 წლამდე ცენტრალური ავტომაგისტრალის მშენებლობა დამთავრდებოდა, ვერ სრულდება

სტატია მომზადებულია ფაქტ-მეტრის მიერ.

მთავრობის ოთხპუნქტიანი გეგმის მიხედვით, ჩქაროსნული ავტომაგისტრალის მშენებლობა 2020 წელს უნდა დასრულდეს. მთავრობის ოფიციალური ინფორმაციით კი, ჩქაროსნული ავტომაგისტრალის რიგი მონაკვეთების მშენებლობის დასრულების ვადები 2021-2022 წლებია. ფაქტ-მეტრის დასკვნით, აღნიშნული დაპირება არ შესრულდა.

ამჟამად ჩქაროსნულ ავტომაგისტრალზე 200 კილომეტრი გზა არის დასაგები. მშენებლობის 2020 წელს დასასრულებლად, წელიწადში, საშუალოდ, 66.6 კილომეტრი გზა იქნებოდა გასაყვანი. მაშინ, როდესაც „ქართული ოცნების“ ხელისუფლებაში მოსვლის დღიდან, წელიწადში, საშუალოდ, 18 კილომეტრი გზა შენდებოდა. მნიშვნელოვანია ისიც, რომ  ჩქაროსნულ ავტომაგისტრალზე მშენებლობის ყველაზე რთული მონაკვეთებია დარჩენილი.

2016 წლის საპარლამენტო არჩევნების წინ, პარტიამ – “ქართული ოცნება-დემოკრატიული საქართველო” – საარჩევნო პროგრამა წარადგინა, რომლის შემადგენელი ნაწილი იყო მთავრობის ოთხპუნქტიანი გეგმა. აღნიშნული გეგმა ეკონომიკური, განათლების, საჯარო მმართველობის რეფორმასა და სივრცით მოწყობას გულისხმობდა.

სივრცითი მოწყობის ერთ-ერთი მთავარი კომპონენტი ახალი მაგისტრალური გზების მშენებლობაა. ოთხპუნქტიანი გეგმის მიხედვით, 2020 წლამდე უნდა დასრულდეს აღმოსავლეთ-დასავლეთ მაგისტრალის მშენებლობა (2.7 ინფრასტრუქტურის განვითარება-გვ. 23).

ჩქაროსნული ავტომაგისტრალის (თბილისის-სენაკი-ლესელიძის) მშენებლობა 2006 წლის მარტში დაიწყო. ავტომაგისტრალი E-60 (ფოთი-თბილისი-წითელი ხიდი) და E-70 (ფოთი-ბათუმი-სარფი) მაგისტრალებისგან შედგება. მისი საერთო სიგრძე 390 კილომეტრია.

საავტომობილო გზების დეპარტამენტის ინფორმაციით, 2006 წლიდან დღემდე, ჩქაროსნული ავტომაგისტრალის 190 კილომეტრზე გზის საფარის მოწყობა დასრულებულია, მოძრაობა კი 167 კილომეტრ გზაზეა გახსნილი. აქედან, 2006-2012 წლებში, მოძრაობა ჩქაროსნული ავტომაგისტრალის 68 კილომეტრზე, 2013 წლიდან დღემდე კი 99 კმ გზაზე გაიხსნა.

ამჟამად, სამშენებლო სამუშაოები ჩქაროსნული ავტომაგისტრალის შემდეგ მონაკვეთებზე მიმდინარეობს:

  • E-60 ავტომაგისტრალის ზემო ოსიაური-ჩუმათელეთის მონაკვეთის მშენებლობა (ლოტი I, II);
  • სამტრედია-გრიგოლეთის საავტომობილო გზის მშენებლობა (ლოტი II, III, IV);
  • ქობულეთის შემოვლითი გზის მონაკვეთის მშენებლობა (ლოტი II).

საპროექტო სამუშაოები კი ჩქაროსნული ავტომაგისტრალის შემდეგ მონაკვეთებზე მიმდინარეობს:

  • ჩუმათელეთი-ხევის (F-1) (საავტომობილო გზის დეტალური საპროექტო დოკუმენტაციის მომზადება);
  • ხევი-უბისა-შორაპანი-არგვეთას (F-2, F-3, F-4) (საავტომობილო გზის დეტალური საპროექტო დოკუმენტაციის მომზადება);
  • ბათუმის შემოსასვლელი-სარფის (საავტომობილო გზის ტექნიკურ-ეკონომიკური დასაბუთება და დეტალური საპროექტო სამუშაოების მომზადება);
  • ფოთი-გრიგოლეთის მონაკვეთის (დეტალური საპროექტო სამუშაოების მომზადება).

საქართველოს რეგიონული განვითარების და ინფრასტრუქურის სამინისტრო, 2017-2020 წლებში განსახორციელებელი პროექტების სიას აქვეყნებს.

ჩვენ ჩქაროსნული ავტომაგისტრალის გზის ის მონაკვეთები გამოვყავით, რომელთა დასრულების ვადა 2020 წელს სცილდება (ცხრილი 1). ასეთია ჩუმათელეთი-არგვეთას 52 კმ-იანი მონაკვეთი, რომელიც რიკოთის უღელტეხილს მოიცავს და მაგისტრალის ყველაზე რთული მონაკვეთია. მხოლოდ აღნიშნული მონაკვეთის მშენებლობის ფარგლებში, 40-მდე გვირაბის და 100-მდე ხიდის მშენებლობაა გათვალისწინებული.

წელი სამშენებლო სამუშაოების დაწყება სამშენებლო სამუშაოების დასრულებ
ჩუმათელეთი-ხევი(F-1) 2018 წ. ნოემბერი 2021 წ. ნოემბერი
ხევი-უბისა(F-2) 2018 წ. დეკემბერი 2021 წ. დეკემბერი
უბისა-შორაპანი(F-3) 2018 წ. დეკემბერი 2021 წ. დეკემბერი
შორაპანი-არგვეთა(F-4) 2019 წ. იანვარი 2022 წ. იანვარი

წყაროსაავტომობილო გზების დეპარტამენტი

აქედან გამომდინარე, მთავრობის ოფიციალური ინფორმაციით, ჩქაროსნული ავტომაგისტრალის მშენებლობა 2020 წელს ვერ დასრულდება.

აღსანიშნავია ისიც, რომ ჩქაროსნული ავტომაგისტრალის მშენებლობის განმავლობაში, ცალკეული მონაკვეთების დასრულების ვადები რამდენჯერმე შეიცვალა და გახანგრძლივდა (იხ. სტატია).

„ქართული ოცნების“ ხელისუფლებაში მოსვლიდან დღემდე, მოძრაობა ჩქაროსნული ავტომაგისტრალის 99 კილომეტრ გზაზე გაიხსნა. შესაბამისად, წელიწადში, საშუალოდ, 18 კოლომეტრზე იხსნებოდა გზა.

ამჟამად, ჩქაროსნულ ავტომაგისტრალზე 200 კილომეტრი გზა არის დასაგები. ჩქაროსნული ავტომაგისტრალის 2020 წელს დასასრულებლად, წელიწადში, საშუალოდ, 66.6 კილომეტრი გზა იქნებოდა გასაყვანი (წელიწადში 3.7-ჯერ მეტი, ვიდრე გასულ წლებში). გასათვალისწინებელია ისიც, რომ ჩქაროსნულ ავტომაგისტრალზე ყველაზე რთული მონაკვეთების მშენებლობაა დარჩენილი.

მსგავსი სიახლეები
თვითმმართველობის განვითარება არის ჩვენი პოლიტიკური გუნდის პრიორიტეტი, - ამის შესახებ პრემიერმინისტრმა მამუკა ბახტაძემ განაცხადა. მისი
"ეროვნულ დემოკრატიული ინსტიტუტის“ (NDI) კვლევის თანახმად, გამოკითხულთა 37% აცხადებს, რომ არც ერთი პარტია მათ შეხედულებებთან
ცენტრალური საარჩევნო კომისიის მონაცემებით, ზუგდიდში, მარნეულში, ზესტაფონში, ჭიათურასა და ხულოში მერის რიგგარეშე არჩევნებში "ქართული ოცნების" მერობის
ხულოს საოლქო საარჩევნო კომისიაში 54-ვე უბნის მონაცემები შევიდა. წინასწარი მონაცემებით, "ქართული ოცნების" კანდიდატი ვახტანგ ბერიძემ
"ქართული ოცნების“ მერობის კანდიდატის გიორგი გოგლიჩიძის თქმით, არსებული მონაცემებით, არჩევნებში გაიმარჯვა. "ჩვენი კომისიის წევრებისგან რაც
წინა სტატია არანაირი წითელი ხაზების გადაკვეთას და წითელი ხაზების დარღვევას სახელმწიფო არ შეეგუება. განაცხადა განმუხურში
საქართველოს პრემიერმინისტრის, მამუკა ბახტაძის ინფორმაციით, ერთის გარდა, ყველა საარჩევნო ოლქში "ქართული ოცნების" კანდიდატები პირველივე ტურში
ჩვენ გავიმარჯვეთ. ეს არის თითოეული მარნეულელის გამარჯვება, - ამის შესახებ ჟურნალისტებს "ქართული ოცნების" მარნეულის მერობის
სამი ოლქია სადაც, სავარაუდოდ, 50%-თან ახლოს ვართ, - ამის შესახებ პრემიერმინისტრის მრჩეველმა სოზარ სუბარმა"ტელეკომპანია პირველის"
მმართველი პარტიის ერთ-ერთი ლიდერი თამარ ჩუგოშვილი აცხადებს, რომ ყველა ოლქში, სადაც ოპონენტები კონცენტრირებულები არ იყვნენ,
მარნეულის მეორე საარჩევნო უბნიდან "ნაციონალური მოძრაობის" დამკვირვებელი თამარ მეტრეველი გააძევეს. როგორც უბნის თავმჯდომარემ განაცხადა, მეტრეველი
მარნეულის მერობის სახელისუფლებო კანდიდატმა, ზაურ დარგალმა მარნეულის რადიოსთან განაცხადა, რომ მარნეულში მერის რიგგარეშე არჩევნები, ძირითადად,
წინა სტატია შემაშფოთებელია მმართველი პარტიის ერთ-ერთი ლიდერის კახა კალაძის მიერ კოორდინატორების მიმართ გაკეთებული მოწოდებები, -
ზუგდიდში 21-ე საუბნო საარჩევნო კომისიასთან "ქართული ოცნების“ კოორდინატორი და გაერთიანებული ოპოზიციის წევრი ანა წითლიძე ერთმანეთს
ზუგდიდში კახათის 35-ე საარჩევნო უბანზე დაპირისპირება მოხდა. კერძოდ, უბანზე მისულმა ტელეკომპანია "რუსთავი 2-ის" დირექტორმა ნიკა
%d bloggers like this: