ბათუმის საკრებულოს ფრაქცია „ერთიანი ნაციონალური მოძრაობის“ თავმჯდომარემ, მირდატ ქამადაძემ ბათუმის მერია კიდევ ერთხელ გააკრიტიკა. მისი თქმით, ნაციონალებს ბათუმის მერიის უწყებებიდან ინფორმაციის მიღება უჭირთ. ინფორმაციას IPN-ი ავრცელებს.
“ბათუმის მერია ყველაზე ჩაკეტილ უწყებად იქცა”, – თქვა მირდატ ქამადაძემ.
მისი თქმით, ბათუმის მერიაში კორუფცია და ნეპოტიზმი მძვინვარებს და ა(ა)იპ-დან და შპს-ებიდან საჯარო ინფორმაციის მიღებას ვერ ახერხებენ, ამასთან, გამოთხოვილი ინფორმაციები არასრულყოფილია.
„გვაქვს კითხვები და ამ კითხვებს პასუხი სჭირდება. აქედან გამომდინარე, ჩვენ ქალაქ ბათუმის მერს შეხვედრისთვის მისთვის მისაღებ თარიღს საჯაროდ ვთავაზობთ“, – განაცხადა ქამადაძემ.
