ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრობის კანდიდატმა, ეკატერინე ტიკარაძემ პარლამენტის განათლების, მეცნიერების, კულტურის, სპორტისა და ახალგაზრდულ საქმეთა და ჯანმრთელობის დაცვისა და სოციალურ საკითხთა ერთობლივი კომიტეტის წინაშე სიტყვით გამოსვლისას ყურადღება გაამახვილა სამედიცინო პერსონალზე. მისი განცხადებით, დღეს COVID-19-ის მართვაში პირველადი ჯანდაცვის სექტორი სრულად არის მობილიზებული. ეკატერინე ტიკარაძის განცხადებით, 65-მდე კლინიკაში მოსახლეობას მომსახურეობას 138 ბრიგადის 700-მდე ექიმი უწევს.
„დღეისათვის კლინიკების რაოდენობა 65-მდეა გაზრდილი და მის ფარგლებში მოსახლეობას მომსახურებას უწევს 138 ბრიგადის 700-მდე ექიმი. 2 აპრილიდან დღემდე ონლაინ კლინიკის ექიმების მიერ მოხდა 250 000-მდე ზარზე რეაგირება და შემდგომი მსვლელობის მიცემა.
ასევე, პაციენტებს ბინაზე მკურნალობის მომსახურებას აწვდიან საყოველთაო ჯანდაცვის პროგრამითა და კერძო დაზღვევით მათზე მიმაგრებული ოჯახის ექიმები. დღეს COVID-19-ის მართვაში პირველადი ჯანდაცვის სექტორი სრულად არის მობილიზებული“, – განაცხადა ეკატერინე ტიკარაძემ.
გააზიარე:
- Click to share on Facebook (Opens in new window)
- Click to share on LinkedIn (Opens in new window)
- Click to share on Twitter (Opens in new window)
- Click to share on Telegram (Opens in new window)
- Click to share on WhatsApp (Opens in new window)
- Click to share on Skype (Opens in new window)
- Click to print (Opens in new window)