ჩემთვის დიდი პატივია გარემოს დაცვისა და ბუნებრივი რესურსების კომიტეტის თავმჯდომარეობის კანდიდატად დასახელება. ჩემი პრიორიტეტი იქნება ყველა ის მიმართულება, რომელიც აწუხებს ჩვენს მოსახლეობას და ძალიან მნიშვნელოვანია საქართველოს ევროპული ინტერგრაციის გზაზე, – განაცხადა გარემოს დაცვის კომიტეტის თავმჯდომარეობის კანდიდატმა, მაია ბითაძემ „ქრონიკასთან“ საუბრისას.
„ჩვენი პარტიის მთავარი პრიორიტეტი და მიზანია, რომ 4 წლისთავზე, გავაკეთოთ დასაბუთებული განაცხადი ევროკავშირის წევრობასთან დაკავშირებით. შესაბამისად, გარემოს დაცვა არის ერთ-ერთი პრიორიტეტული მიმართულება, რომელიც დამატებით შესაძლებლობას მისცემს ჩვენს მოსახლეობას“ – განაცხადა მაია ბითაძემ.
