თბილისის მერია მოქალაქეებს მოუწოდებს, საზოგადოებრივი ტრანსპორტი მხოლოდ აუცილებელი მგზავრობისთვის გამოიყენონ. მერიაში, ასევე, აცხადებენ, რომ თბილისში მუნიციპალურ ტრანსპორტში მგზავრთა კონტროლი ხორციელდება და მგზვარებს უსაფრთხოების ყველა წესის დაცვას სთხოვენ.
“ვახორციელებთ პირბადეების კონტროლს თბილისის მეტროპოლიტენში. ყველა ჩასასვლელში დგას თბილისის სატრანსპორტო კომპანიის და საპატრულო პოლიციის თანამშრომლები და მოქალაქეების კონტროლი მიმდინარეობს, რამდენად იყენებენ ისინი პირბადეებს. იმ შემთხვევაში თუკი მოქალაქეებს თან არ აქვთ პირბადე, მას ჩვენ ვაძლევთ. მოქალაქეებს ვთხოვთ, გამოიჩინონ მეტი სიფრთხილე და ყურადღება”, — განაცხადა ირაკლი ხმალაძემ.
16 ოქტომბრის მონაცემებით, საქართველოში სულ 15 327 დადასტურებული შემთხვევაა, მათგან 7 613 უკვე გამოჯანმრთელდა, გარდაიცვალა — 124.
ამ დროისთვის კარანტინის რეჟიმში 5 721 ადამიანი იმყოფება, სტაციონარში მეთვალყურეობის ქვეშ — 836, კოვიდ სასტუმროში 1 090 პირი მკურნალობს.
