გორის მუნიციპალიტეტის სოფელ კარალეთში #1 საბავშვო ბაღის რეაბილიტაციისთვის ტენდერი გამოცხადდა. სამუშაოების სატენდერო ღირებულება 161 900 ლარია. თანხა ადგილობრივი ბიუჯეტიდან გამოიყო.
პროექტის მიხედვით მოეწყობა წყალსადენისა და კანალიზაციის ახალი სისტემები, ცენტრალური გათბობა, გამოიცვლება კარ-ფანჯრები, შენობის ინტერიერთან ერთად სარემონტო სამუშაოები ჩაუტარდება სახურავსაც.
სამუშაოები ხელშეკრულების გაფორმებიდან ორ თვეში უნდა დასრულდეს.
