გორის მუნიციპალიტეტის სოფელ მეჯვრისხევში სკვერის მოსაწყობად ტენდერი გამოცხადდა. როგორც ცნობილია სკვერის მოწყობა “შინმოუსვლელთა პარკის” ტერიტორიაზეა დაგეგმილი.
პროექტის მიხედვით, ტერიტორიაზე მოეწყობა გაზონი, განთავსდება 20 ლამპიონი, 11 სკამი, 9 ნაგვის ურნა, სასრიალო, აიწონა-დაიწონა, საქანელა, საქანელა სკამი, დაირგვება 17 ძირი ტუია.
ადგილობრივ ხელისუფლებას სამუშაოებისთვის 99 815 ლარი აქვს გათვალისწინებული. გამარჯვებულმა კომპანიამ სკვერი ხელშეკრულების გაფორმებიდან 60 დღეში უნდა მოაწყოს.
