იმერეთში სახელმწიფო რწმუნებული ზვიად შალამბერიძე, რეგიონში ახალი ტურისტული მიმართულების შესახებ ინფორმაციას ავრცელებს. როგორც ზვიად შალამბერიძე “ფეისბუქის” ოფიციალურ გვერდზე წერს, მდინარე რუას და უძველესი აბანოების ტერიტორია მოწესრიგდება და ტურისტების მისაღებად მომზადდება.
მისივე თქმით, ამ ეტაპზე ასევე მიმდინარეობს ქუთაისის შემოგარენში სხვადასხვა ისტორიული ლოკაციების მოძიება სპეციალისტებთან ერთად.
“რუას აბანოების შესახებ ჩემთვის სოციალური ქსელიდან გახდა ცნობილი, რის შემდეგაც მკვლევარებთან და DMO Imereti-ის ხელმძღვანელობასთან ერთად აღნიშნული ადგილის შესწავლის გადაწყვეტილება მივიღე. ეს არის უძველესი სამკურნალო აბანო, რომლის გამოყენებაც მოწესრიგების შემდეგ, სამკურნალო ტურიზმის მიმართულებითაც იქნება შესაძლებელი. ქუთაისის მერიის მიერ მდინარე რუას და უძველესი აბანოების ტერიტორია მოწესრიგდება და ტურისტების მისაღებად მომზადდება. აღნიშნული ტურისტული მიმართულების განვითარებაში ჩართული იქნება DMO Imereti. ძალიან სასიხარულოა, რომ ქუთაისს კიდევ ერთი საინტერესო ტურისტული ლოკაცია ემატება, რომელიც შიდა ტურიზმის განვითარებისთვის მნიშვნელოვანი იქნება. ამ ეტაპზე ასევე მიმდინარეობს ქუთაისის შემოგარენში სხვადასხვა ისტორიული ლოკაციების მოძიება სპეციალისტებთან ერთად”, – წერს სახელმწიფო რწმუნებული.
#კარგიამბავი ✌️რუას აბანოების შესახებ სოციალური ქსელიდან გახდა ჩემთვის ცნობილი, რის შემდეგაც მკვლევარებთან და DMO…
Posted by ზვიად შალამბერიძე Zviad Shalamberidze on ორშაბათი, 13 ივლისი, 2020
