ჩუღურეთის რაიონში, საგზაო ინფრასტრუქტურის მოწესრიგება აქტიურად მიმდინარეობს. თბილისის მერიის ცნობით, მეუნარგიას ქუჩაზე 2 000 კვადრატულ მეტრზე ასფალტის ორფენიანი საფარი იგება.
მათივე ცნობით, მიმდინარე პროცესს ჩუღურეთის რაიონის გამგებელი, ზურაბ ჩიკვილაძე ადგილზე გაეცნო.
„მეუნარგიას ქუჩაზე ვაწარმოებთ საგზაო სამუშაოებს. ასევე, თავიდან ვაწყობთ საფეხმავლო ბილიკს. ყველაზე მთავარი არის ის, რომ ადგილობრივ მოსახლეობას დანაპირები შევუსრულეთ. მიმდინარე წელს, მსგავსი სამუშაოები ჯამში, 20 ქუჩაზე განხორციელდა. წლის ბოლომდე ასფალტის საფარი კიდევ 20-მდე ქუჩაზე მოწესრიგდება“, – განაცხადა ზურაბ ჩიკვილაძემ.
მერიის ინფორმაციით, პროექტის ფარგლებში, მოეწყო ბორდიურები და საფეხმავლო ბილიკი. ძველ ამორტიზებულ გზის საფარს კი, ახალი ორფენიანი ასფალტი ჩაანაცვლებს. სამუშაოებს, ჩუღურეთის რაიონის გამგეობის დაკვეთით, კონტრაქტორი კომპანია ასრულებს და მისი ღირებულება 80 000 ლარია.
