გორის სოფელ სკრის საბავშვო ბაღს რეაბილიტაცია ჩაუტარდება

54

გორის მუნიციპალიტეტის სოფელ სკრის სკოლამდელ დაწესებულებას რეაბილიტაცია ჩაუტარდება.

თავდაპირველად, მერიამ ტენდერი რეაბილიტაციის პროექტის შესადგენად გამოაცხადა, რომლის სავარაუდო ღირებულება 19 200 ლარია.

“სკრის საბავშვო ბაღის შენობის სარეკონსტრუქციო-სარემონტო (ახალი სახურავის, ელექტროობის, გათბობის, საკანალიზაციო და წყალსადენის ქსელების მოწყობა, იატაკების, კარ-ფანჯრების, ფასადების რეაბილიტაცია) და ეზოს კეთილმოწყობის სამუშაოებისათვის უნდა მომზადდეს დეტალური მუშა პროექტი, რათა შემდგომში ხარისხიანად და გეგმაზომიერად განხორციელდეს სამშენებლო-სარემონტო სამუშაოები”,- ვკითხულობთ სატენდერო დოკუმენტაციაში.

მხოლოდ დეტალური პროექტის შედგენის შემდეგ იქნება შესაძლებელი უშუალოდ სამუშაოების ჩასატარებლად ტენდერის გამოცხადება. რაც შეეხება აღნიშნულ შესყიდვას, წინადადებების მიღება ტენდერზე 3 ივლისს მთავრდება.