გლდანის რაიონში ინფრასტრუქტურული სამუშაოები გრძელდება. ამჯერად, ასფალტის საფარი ივანე კაჭარავას გზის მონაკვეთზე იგება.
თბილისის მერიის ცნობით, საგზაო სამუშაოების ფარგლებში, 110 გრძივ მეტრზე სანიაღვრე ქსელი მოეწყო, რის შემდეგაც, დაახლოებით, 1 100 კვადრატულ მეტრ ფართობზე ასფალტის საფარი ეწყობა.
მათივე ცნობით, სამუშაოებისთვის, რომელსაც გლდანის რაიონის გამგეობის დაკვეთით, შპს „იბერი“ ახორციელებს, 90 000 ლარამდე არის გათვალისწინებული.
