დიდუბის რაიონში ინფრასტრუქტურული სამუშაოები აქტიურად მიმდინარეობს. თბილისის მერიის ცნობით, ამ ეტაპზე, დიღმის მასივის მეოთხე კვარტალში კონტრაქტორმა კომპანიამ ასფალტის პირველი ფენა დააგო.
მათი ინფორმაციით, პროექტის ფარგლებში, მე-6 კორპუსიდან მე-2 კორპუსამდე არსებულ გზის მონაკვეთზე ჯამში, 3 180 კვ.მ ფართობზე ასფალტი დაიგო, როგორც სავალ ნაწილზე, ასევე, ტროტუარზე.
როგორც თბილისის მერიაში აღნიშნავენ, მოეწყო 1 100 გრძ.მ ბორდიური. სამუშაოებისთვის, რომელსაც დიდუბის რაიონის გამგეობის დაკვეთით, ტენდერში გამარჯვებული კომპანია „ბიემსი“ ასრულებს, ადგილობრივი ბიუჯეტიდან 150 000 ლარია გამოყოფილი.
