თბილისის მერია მერია ახალი დეპოს გახსნასა და საბურთალოს ხაზთან დამაკავშირებელი გვირაბის აღდგენაზე მუშაობს

229

თბილისის მერია ახალი დეპოს გახსნასა და საბურთალოს ხაზთან დამაკავშირებელი გვირაბის აღდგენაზე მუშაობს. ამასთან, როგორც ცნობილია, მერია ახალი ვაგონების შეძენასაც გეგმავს. ამის შესახებ ბიზნეს ინტერპრესნიუსი წერს.

აღსანიშნავია, რომ თბილისის სატრანსპორტო კომპანიის ბალანსზე ამ ეტაპზე მეტროს 192 ვაგონი აღირიცხება. ამ ვაგონებს ორი – ნაძალადევის და გლდანის მოქმედი ელექტროდეპოები ემსახურება, თუმცა, ამ ორ ელექტროდეპოში დამატებითი ახალი ვაგონების ექსპლუატაციის ადგილი პრაქტიკულად არ არის. შესაბამისად, ახალი ვაგონების შეძენის პირობებში, აუცილებელი იქნება ძველი, ამორტიზებული დეპოს აღდგენა (ახლის აშენება). ამასთან, ძველი დეპოს აღდგენასთან ერთად, საჭირო იქნება საბურთალოს ხაზთან (წერეთლის სადგურთან) დამაკავშირებელი გვირაბის აღდგენაც, რაც მნიშვნელოვნად გააუმჯობესებს ნაძალადევის დეპოსთან მეტროს შემადგენლობის შეუფერხებელ მიწოდებას საბურთალოს ხაზზე.

ცნობისთვის, ახალი დეპოს მშენებლობის ღირებულება დაახლოებით, 10 მლნ ევროს, ხოლო გვირაბის აღდგენა – 5 მლნ ევროს შეადგენს.